പാലക്കാട്: 10 വര്ഷം മുന്പ് കാണാതായ പതിനെട്ടുകാരിയെ ഒടുവില് കണ്ടെത്തിയത് യുവാവിന്റെ മുറിക്കുള്ളില് നിന്ന്. നാടും വീടും ഒരുപോലെ എഴുതിത്തള്ളിയ ഒരു കേസിനാണ് ഇവിടെ അന്ത്യമായിരിക്കുന്നത്. സ്വന്തം വീടിന് തൊട്ടടുത്തു തന്നെ പെണ്കുട്ടി പത്തുവര്ഷത്തോളം മുറിയില് പൂട്ടിയിട്ട നിലയില് ജീവിച്ചിട്ടും യുവാവിന്റെ വീട്ടുകാര് പോലും ഇതറിഞ്ഞില്ല എന്നതാണ് അത്ഭുതം. സ്വന്തം ഇഷ്ടപ്രകാരം തന്നെയാണ് ഇത്രകാലവും പുറത്തിറങ്ങാതെ ആ മുറിയ്ക്കുള്ളില് യുവതി ജീവിച്ചത്.
മൂന്നു മാസം മുന്പ് യുവതിയെ വീട്ടിലെ മുറിയില് ഒളിപ്പിച്ച യുവാവിനെ കാണാതായിരുന്നു. ഇയാളെ കഴിഞ്ഞ ദിവസം കണ്ടെത്തിയതോടെയാണു യുവതിയുടെ ഒളിവു ജീവിതവും പുറത്തറിഞ്ഞത്. പത്തുവര്ഷം വീട്ടില് താമസിപ്പിച്ചിട്ടും യുവാവിന്റെ സഹോദരിയോ അച്ഛനോ അമ്മയോ ഇത്തരത്തില് ഒരാരാളുടെ സാന്നിധ്യം ആ വീട്ടില് അറിഞ്ഞിട്ടേയില്ല.
പാലക്കാട് അയിലൂര് കാരക്കാട്ട് പറമ്ബിലാണു സംഭവം. 2010 ഫെബ്രുവരി രണ്ടു മുതല് യുവതിയെ കാണാനില്ലെന്നു വീട്ടുകാര് പരാതി നല്കിയിരുന്നു. മൂന്നു മാസം മുന്പു വരെ യുവാവിന്റെ വീട്ടില് ഒളിവില് കഴിയുകയായിരുന്നു പെണ്കുട്ടി. ചെറിയ വീട്ടിലെ ശുചിമുറി പോലുമില്ലാത്ത മുറിയിലായിരുന്നു ഇവരുടെ ജീവിതം. വീട്ടുകാര് അറിയാതെ ഭക്ഷണവും മറ്റും എത്തിച്ചു. പുറത്തിറങ്ങുമ്ബോഴെല്ലാം യുവാവ് മുറി പൂട്ടിയിട്ടു.
മുറിയുടെ വാതില് അകത്തുനിന്നു തുറക്കാന് സംവിധാനം ഒരുക്കിയിരുന്നു. ശുചിമുറി ഉപയോഗത്തിനു രാത്രി ആരുമറിയാതെ യുവതിയെ പുറത്തിറക്കി. ഒടുവില് യുവാവിന്റെ തിരോധാനമാണ് പെണ്കുട്ടിയിലേക്കുള്ള അന്വേഷണത്തിന് വഴിവച്ചത്.
