ലഖ്നോ: ഉത്തര്പ്രദേശില് കോവിഡ് വ്യാപനം രൂക്ഷമായ സാഹചര്യത്തില് വെള്ളിയാഴ്ച മുതല് ലോക്ഡൗണ്. വെള്ളിയാഴ്ച വൈകിട്ട് മുതല് ചൊവ്വാഴ്ച രാവിലെ ഏഴുമണിവരെയാണ് ലോക്ഡൗണെന്ന് വാര്ത്താ ഏജന്സിയായ എ.എന്.ഐ റിേപ്പാര്ട്ട് ചെയ്തു.
യു.പിയില് ബുധനാഴ്ച 266 പേര്ക്ക് കോവിഡ് മൂലം ജീവന് നഷ്ടമായിരുന്നു. 29,824 കോവിഡ് കേസുകളാണ് ബുധനാഴ്ച റിപ്പോര്ട്ട് ചെയ്തത്. ഇതോടെ രോഗബാധിതരുടെ എണ്ണം 11,82,848 ആയി. മരണസംഖ്യ 11,943ഉം. 3,00,041 പേരാണ് കോവിഡ് ബാധിച്ച് ചികിത്സയിലുള്ളത്. ഇതോടെയാണ് ലോക്ഡൗണ് ഏര്പ്പെടുത്താനുള്ള തീരുമാനം.
നേരത്തേ യു.പിയില് സര്ക്കാര് വാരാന്ത്യ ലോക്ഡൗണ് ഏര്പ്പെടുത്തിയിരുന്നു. രാത്രി കര്ഫ്യൂവിന് പുറമെയായിരുന്നു വാരാന്ത്യ ലോക്ഡൗണ്. അലഹബാദ് ഹൈകോടതിയുടെ നിര്ദേശം ചോദ്യം ചെയ്ത് യോഗി സര്ക്കാര് സുപ്രീംകോടതിയെ സമീപിച്ചതിന് പിന്നാലെയായിരുന്നു ഇത്. അലഹബാദ്, ലഖ്നോ, വാരാണസി, കാണ്പുര്, ഗൊരഖ്പുര് തുടങ്ങിയ നഗരങ്ങളില് ലോക്ഡൗണ് ഏര്പ്പെടുത്തണമെന്നായിരുന്നു നിര്ദേശം. എന്നാല് ഇതിനെതിരെ യോഗി സര്ക്കാര് സുപ്രീംകോടതിയെ സമീപിക്കുകയായിരുന്നു.
0 التعليقات: