കൊടകര കുഴല്പ്പണ കേസില് തട്ടിയെടുത്ത പണം കണ്ടെത്താന് പ്രതികളുടെ വീടുകളില് റെയ്ഡ്. പ്രതികളുടെ കണ്ണൂര്, കോഴിക്കോട് ജില്ലകളിലെ വീടുകളിലാണ് പരിശോധന നടത്തുന്നത്. ആകെ നഷ്ടമായ മൂന്നര കോടിയില് ഒരു കോടി രൂപയാണ് ഇതുവരെ കണ്ടെടുത്തിട്ടുള്ളത്. ഇനിയും കണ്ടെത്തേണ്ട രണ്ടരക്കോടി രൂപക്ക് വേണ്ടിയുളള തിരച്ചില് തുടരുകയാണ്. ഇരുപത് പേര്ക്കായി പണം നല്കിയെന്ന് പ്രതികള് വെളിപ്പെടുത്തിയിട്ടുണ്ട്. ഇതിന്റെ അടിസ്ഥാനത്തിലാണ് പരിശോധന നടത്തുന്നത്.
കേസില് ബിജെപി നേതാക്കളുടെ ചോദ്യം ചെയ്യല് ഇന്നും തുടരുകയാണ്. തൃശൂര് ജില്ല ഓഫീസ് സെക്രട്ടറി സതീഷിനെ ഇന്ന് ചോദ്യം ചെയ്യും. പണവുമായെത്തിയ ധര്മ്മരാജന് ഉള്പ്പെടെയുള്ള സംഘത്തിന് തൃശൂരില് ഹോട്ടല് മുറി എടുത്ത് നല്കിയത് സതീഷാണെന്ന് അന്വേഷണ സംഘത്തിന് വ്യക്തമായിട്ടുണ്ട്. പണമിടപാടില് ബിജെപി നേതാക്കളുടെ പങ്ക് കണ്ടെത്താനാണ് ചോദ്യം ചെയ്യല്.
0 التعليقات: