കൊടകര കുഴല്പ്പണക്കേസില്
ബിജെപി സംസ്ഥാന അധ്യക്ഷന് കെ സുരേന്ദ്രന്റെ സെക്രട്ടറി ദിപിനെ ചോദ്യം ചെയ്യും. ഇന്ന് രാവിലെ തൃശൂര് പൊലീസ് ക്ലബ്ബില് ഹാജരാകാനാണ് നിര്ദേശം. കേസിലെ പരാതിക്കാരനായ ധര്മരാജനെ ഫോണില് വിളിച്ച ബിജെപി സംസ്ഥാന കമ്മിറ്റി ഓഫീസിലെ ജീവനക്കാരന് മിഥുനെ ഇന്ന് ചോദ്യം ചെയ്തിരുന്നു.
അതേസമയം കേസില് എന്ഫോഴ്സ്മെന്റ് ഡയറക്ടറേറ്റ് പ്രാഥമിക അന്വേഷണം തുടങ്ങി. പൊലീസ് എഫ്ഐആര് ശേഖരിച്ച ഇഡി അന്വേഷണ സംഘത്തിന്റെ കണ്ടെത്തലുകളും പരിശോധിച്ചു. കേസ് ഏറ്റെടുക്കുന്നത് സംബന്ധിച്ച് 10 ദിവസത്തിനകം നിലപാട് അറിയിക്കാന് ഹൈക്കോടതിയും ഇഡിയ്ക്ക് നിര്ദേശം നല്കിയിട്ടുണ്ട്.
0 التعليقات: