അഞ്ച് ദിവസത്തിനുള്ളില് വലിയ ബോംബ് വരുമെന്ന് പ്രചാരണമെന്ന് മുഖ്യമന്ത്രി പിണറായി വിജയന്. നാട് ഏത് ബോംബിനേയും നേരിടാന് തയ്യാറാണെന്നും മുഖ്യമന്ത്രി പറഞ്ഞു. കാസര്ഗോഡ് പെരിയയില് തെരഞ്ഞെടുപ്പ് സമ്മേളനത്തിനിടെയാണ് മുഖ്യമന്ത്രിയുടെ പരാമര്ശം.
വരും ദിവസങ്ങളില് വലിയ ബോംബ് വരുമെന്നാണ് ചിലര് പ്രചരിപ്പിക്കുന്നതെന്ന് മുഖ്യമന്ത്രി പറഞ്ഞു. അതിന്റെ പൊരുള് എന്താണെന്ന് എല്ലാവര്ക്കും അറിയാം. ഒരു നുണയും യാഥാര്ത്ഥ്യത്തിന് മുന്നില് നിലനില്ക്കില്ലെന്നും മുഖ്യമന്ത്രി പറഞ്ഞു.
സ്വര്ണക്കടത്ത് കേസുമായി ബന്ധപ്പെട്ട് കേന്ദ്ര ഏജന്സികളുമായി സംസ്ഥാന സര്ക്കാര് തുറന്ന യുദ്ധത്തിലേയ്ക്ക് കടന്നിരിക്കുകയാണ്. ഈ സാഹചര്യത്തില് തെരഞ്ഞെടുപ്പിന് മുന്പ് അന്വേഷണ ഏജന്സികളുടെ ഭാഗത്ത് നിന്ന് അസാധാരണ നടപടികള് ഉണ്ടാകുമെന്നാണ് സര്ക്കാര് കരുതുന്നത്. ഇതുമായി ബന്ധപ്പെട്ടാണ് മുഖ്യമന്ത്രിയുടെ പരാമര്ശമെന്നാണ് സൂചന.
0 التعليقات: