കാസര്കോട്: കോവിഡ് കേസുകള് കൂടി വരുന്ന സാഹചര്യത്തില് നീലേശ്വരം, കാഞ്ഞങ്ങാട് മുന്സിപാലിറ്റികള് അടക്കം 23 തദ്ദേശ സ്വയംഭരണ സ്ഥാപന പരിധികളില് ജില്ലാ കലക്ടര് ഡോ. ഡി സജിത് ബാബു സി ആര് പി സി 144 പ്രകാരം നിരോധനാജ്ഞ പ്രഖ്യാപിച്ചു. ഏപ്രില് 29 അര്ധരാത്രി മുതല് മെയ് ആറ് അര്ധരാത്രി 12 മണി വരെയാണ് നിരോധനാജ്ഞ.
മുന്സിപാലിറ്റികള്ക്ക് പുറമെ അജാനൂര്, ബളാല്, ബേഡഡുക്ക, ചെങ്കള, ചെമ്മനാട്, ചെറുവത്തൂര്, ഈസ്റ്റ് എളേരി, കള്ളാര്, കയ്യൂര്-ചീമേനി, കിനാനൂര്-കരിന്തളം, കോടോം-ബേളൂര്, മടിക്കൈ, മധുര്, മംഗല്പാടി, പടന്ന, പള്ളിക്കര, പിലിക്കോട്, പുല്ലൂര് പെരിയ, തൃക്കരിപ്പൂര്, ഉദുമ, വെസ്റ്റ്എളേരി എന്നീ ഗ്രാമപഞ്ചായത്തുകളിലെ മുഴുവന് പ്രദേശങ്ങളിലുമാണ് നിരോധനാജ്ഞ പ്രഖ്യാപിച്ചിട്ടുള്ളത്. പൊതു സ്ഥലങ്ങളില് അഞ്ചില് കൂടുതല് ആളുകള് കൂട്ടം കൂടുന്നതും നിരോധിച്ചിട്ടുണ്ട്.
0 التعليقات: