മുംബൈ: കോവിഡില് വലയുന്ന ഇന്ത്യക്ക് മുന്നില് വെല്ലുവിളിയായി വാക്സിന് ക്ഷാമം തുടരുന്നു. പല സംസ്ഥാനങ്ങള്ക്കും ആവശ്യത്തിനുള്ള വാക്സിന് ലഭ്യമായിട്ടില്ലെന്ന റിപ്പോര്ട്ടുകള് പുറത്ത് വരുന്നുണ്ട്. വാക്സിന് ലഭ്യമാകാത്തതിനെ തുടര്ന്ന് മുംബൈയില് വാക്സിനേഷന് പ്രവര്ത്തനങ്ങള് മൂന്ന് ദിവസത്തേക്ക് നിര്ത്തിവെച്ചു.
വെള്ളിയാഴ്ച മുതല് വാക്സിനേഷന് മൂന്ന് ദിവസത്തേക്ക് നിര്ത്തുകയാണെന്ന് മുംബൈ കോര്പ്പറേഷന് അധികൃതര് പറഞ്ഞു. 45 വയസിന് മുകളിലുള്ളവര് ആശങ്കപ്പെടേണ്ട സാഹചര്യമില്ല. വാക്സിനായി ആരും തിരക്ക് കൂട്ടേണ്ടതില്ലെന്നും ലഭ്യമായാല് ഉടന് നല്കുമെന്നും അധികൃതര് പറഞ്ഞു.
ആവശ്യത്തിന് വാക്സിന് ലഭ്യമായാല് മാത്രമേ 45 വയസില് താഴെയുള്ളവരുടെ വാക്സിനേഷന് പ്രവര്ത്തനങ്ങള് ആരംഭിക്കുവെന്ന് ബൃഹാന് മുംബൈ മുന്സിപ്പല് കോര്പ്പറേഷന് അഡീഷണല് കമീഷണര് അശ്വിനി ഭിഡെ പറഞ്ഞു. മഹാരാഷ്ട്രക്ക് പുറമേ പഞ്ചാബ്, ഡല്ഹി, തമിഴ്നാട്, കേരള തുടങ്ങിയ സംസ്ഥാനങ്ങളെല്ലാം ആവശ്യത്തിന് വാക്സിന് ലഭ്യമാകുന്നില്ലെന്ന പരാതിയുമായി രംഗത്തുണ്ട്.
0 التعليقات: