തിരുവനന്തപുരം : രണ്ടാം പിണറായി മന്ത്രിസഭയുടെ സത്യപ്രതിജ്ഞ തീയതി പ്രഖ്യാപിച്ചു. കോവിഡ് പ്രോട്ടോക്കാള് പാലിച്ച് മെയ് 18 ചൊവ്വാഴ്ച രാജ്ഭവനില് വച്ചായിരിക്കും സത്യപ്രതിജ്ഞ നടക്കുന്നത്. സിപിഎമ്മിലെ കേരളത്തിലെ പിബി മെബര്മാര് തമ്മിലുള്ള യോഗത്തിലാണ് ഇക്കാര്യത്തില് തീരുമാനമുണ്ടായത്.
2016 മെയ് 25നാണ് ഒന്നാം പിണറായി സര്ക്കാര് അധികാരമേറ്റത്. സത്യപ്രതിജ്ഞയ്ക്ക് മുന്പായി മന്ത്രിസഭാ രൂപീകരണം സംബന്ധിച്ച ഉഭയകക്ഷി ചര്ച്ചകള് പൂര്ത്തിയാക്കാനാണ് സിപിഎമ്മിലെ ധാരണ. 17ന് രാവിലെ എല്ഡിഎഫ് യോഗം ചേര്ന്ന് ഏതൊക്കെ പാര്ട്ടികള്ക്ക് എത്ര മന്ത്രിസ്ഥാനം എന്ന കാര്യത്തില് തീരുമാനമെടുക്കും. 18ന് രാവിലെ സിപിഎം സംസ്ഥാന സെക്രട്ടേറിയറ്റും പിന്നാലെ സിപിഎം സംസ്ഥാന സമിതിയും എകെജി സെന്ററില് ചേരും.
അതേസമയം, മന്ത്രിസഭയിലേക്ക് പുതുമുഖങ്ങളെ പരിഗണിക്കുമെന്നും സൂചനയുണ്ട്. സി.പി.ഐ.എം കേന്ദ്ര കമ്മറ്റി അം?ഗങ്ങളായ എം.വി.ഗോവിന്ദന്, കെ. രാധാകൃഷ്ണന്, സംസ്ഥാന സെക്രട്ടേറിയറ്റ അം?ഗങ്ങളായ പി. രാജീവ്, കെ.എന് ബാലഗോപാല് എന്നിവര് മന്ത്രിമാരാകും. സാധ്യതാപട്ടിക പ്രകാരം കെഎന് ബാലഗോപാലനെ പൊതുഭരണവകുപ്പിലേക്ക് പരിഗണിക്കുന്നുണ്ട്. വ്യവസായ മന്ത്രിയായി എംവി ഗോവിന്ദന് മാസ്റ്ററെയാണ് പരിഗണിക്കുന്നത്. പി രാജീവ്, വീണാ ജോര്ജ്, പിപി ചിത്തരഞ്ജന് എന്നിവരും ഇതില് ഉള്പ്പെടും.
0 التعليقات: