ബെയ്ജിങ്: ലോകത്ത് ആദ്യമായി ചൈനയില് പക്ഷിപ്പനിയുടെ വകഭേദമായ H10N3 മനുഷ്യരില് സ്ഥിരീകരിച്ചു.കിഴക്കന് പ്രവിശ്യയായ ജിയാങ്സു സ്വദേശിയായ 41-കാരനിലാണ് രോഗം സ്ഥിരീകരിച്ചതെന്ന് ചൈനയുടെ നാഷണല് ഹെല്ത്ത് കമ്മിഷന്(എന്.എച്ച്.സി.) അറിയിച്ചു. ഇയാളുമായി സമ്പര്ക്കത്തിലുണ്ടായിരുന്നവരെ നിരീക്ഷിച്ചിരുന്നെങ്കിലും രോഗബാധ കണ്ടെത്താന് കഴിഞ്ഞില്ല.
മെയ് 28നാണ് H10N3 വൈറസ് ബാധയാണെന്ന് സ്ഥിരീകരിച്ചത്. ഇതിനു മുന്പ് H10N3 കേസുകള് ലോകത്തെവിടെയും റിപ്പോര്ട്ട് ചെയ്തിട്ടില്ല. അതേസമയം വൈറസ് പടര്ന്നുപിടിക്കാനുള്ള സാധ്യത കുറവാണെന്ന് ഹെല്ത്ത് കമ്മീഷന് അറിയിച്ചു. രോഗിയുടെ ആരോഗ്യസ്ഥിതിയില് ആശങ്കപ്പെടാനൊന്നും ഇല്ലെന്നും ആശുപത്രിയില് നിന്ന് വിട്ടയക്കാറായെന്നും അധികൃതര് അറിയിച്ചു.
ചൈനയില് പക്ഷിപ്പനിയുടെ വിവിധ വകഭേദങ്ങള് കാണപ്പെടാറുണ്ട്. ചിലത് മനുഷ്യരില് ബാധിക്കാറും ഉണ്ട്. പക്ഷിപ്പനിയുടെ മറ്റൊരു വകഭേദമായ H7N9 2016-17 കാലത്ത് മൂന്നുറിലധികം ജീവനുകള് നഷ്ടപ്പെടുന്നതിന് കാരണമായിരുന്നു. ഇതിനുമുന്പ് H10N3 വൈറസ് ബാധ മനുഷ്യരില് സ്ഥിരീകരിച്ചിട്ടില്ലെന്ന് ഹെല്ത്ത് കമ്മീഷന് വ്യക്തമാക്കി.
0 التعليقات: