കോഴിക്കോട്: മഴക്കാലത്തിന്റെ തുടക്കത്തില് പരിസ്ഥിതി സംരക്ഷണ പാഠവും പ്രയോഗവും ലക്ഷ്യം വെച്ച് എസ് വൈ എസ് സംസ്ഥാന വ്യാപകമായി മൂന്ന് ലക്ഷം ഹരിതമുറ്റം ഒരുക്കുന്നു. പ്രവര്ത്തകരുടെ വീടും പറമ്പും ചെടികളും മരങ്ങളും വെച്ചുപിടിപ്പിച്ചു ഹരിതാഭമാക്കുകയും അടുക്കളത്തോട്ടം നിര്മിക്കുകയുമാണ് ലക്ഷ്യം. ജൂണ് ഒന്ന് മുതല് ഏഴ് വരെ നടക്കുന്ന ക്യാമ്പയിന്റെ ഉദ്ഘാടനം ഈ മാസം 31 ന് വൈകിട്ട് 4.30ന് സംസ്ഥാന കൃഷി വകുപ്പ് മന്ത്രി പി പ്രസാദ് നിര്വ്വഹിക്കും. ഇതോടനുബന്ധിച്ച് നടക്കുന്ന വെബിനാറില് എസ് വൈ എസ് സംസ്ഥാന പ്രസിഡന്റ് സയ്യിദ് ത്വാഹാ തങ്ങള് സഖാഫി അധ്യക്ഷത വഹിക്കും.ഡോ. അബ്ദുല് ഹകീം അസ്ഹരി, എന് . എം സ്വാദിഖ് സഖാഫി. ഡോ. മുസ്തഫ, ചന്ദ്രന് മാസ്റ്റര് പ്രസംഗിക്കും.
ക്യാമ്പയിന് മുന്നോടിയായി പ്രവര്ത്തകര് പരസ്പരം വിത്തും തൈകളും കൈമാറ്റം ചെയ്യുന്ന വിത്തൊരുമ ജനകീയമായി. വിത്തൊരുമ മന്ത്രി അഹ്മദ് ദേവര്കോവില് കാസര്കോട് വെച്ച് ഉദ്ഘാനം ചെയ്തു. എസ് വൈ എസ് ജില്ലാ ജനറല് സെക്രട്ടറി കാട്ടിപ്പാറ അബ്ദുല് ഖാദിര് സഖാഫി തൈ ഏറ്റു വാങ്ങി. കേരള മുസ്ലിം ജമാ ന്നത്ത് ജില്ലാ ജനറല് സെക്രട്ടറി പള്ളങ്കോട് അബ്ദുല് ഖാദിര് മദനി, അഡ്വ. സി. എച്ച് കുഞ്ഞമ്പു എം എല് എ, കാസിം ഇരിക്കൂര് . സംബന്ധിച്ചു.
ജൂണ് ഒന്നിന് മണ്ണിലിറങ്ങാം എന്ന പേരില് കൃഷിയാരംഭം കുറിക്കും. സംസ്ഥാന കമ്മറ്റി നല്കുന്ന വീഡിയോ സന്ദേശം വഴി ഓരോ വീട്ടിലും ലളിതമായ രീതിയില് കൃഷി ചെയ്യുന്നതിനുള്ള മാര്ഗനിര്ദ്ദേശങ്ങള് നല്കും. അടുക്കളത്തോട്ടങ്ങള്ക്ക് അന്ന് തുടക്കം കുറിക്കും.
ജൂണ് അഞ്ചിന് ലോക പരിസ്ഥിതി ദിനത്തില് നമുക്കൊരു മരം നാളേക്കൊരു ഫലം എന്ന പേരില് വരും തലമുറക്കു കൂടി ഉപകാരപ്പെടുന്ന ഫലവൃക്ഷം സ്വന്തം പറമ്പില് നട്ട് പിടിപ്പിക്കും.
ജൂണ് ഏഴ് വരെ കുടുംബ സമേതം വിവിധതരം തൈകള് നട്ടുവളര്ത്തുകയും സംരക്ഷിക്കുകയും ചെയ്യുന്ന പ്രവൃത്തികളില് പങ്കാളികളാകും. കോ വിഡ് പ്രതിസന്ധിയുടെ അതിജീവനമായി വ്യാപകമായി അടുക്കളത്തോട്ടമൊരുക്കും. ജൈവ വളം ഉണ്ടാക്കുന്നതിനുള്ള സംവിധാനം മഴ വെള്ളം ശേഖരിക്കല്, കിണര് റീചാര്ജിംഗ് തുടങ്ങിയ പദ്ധതികളും നടക്കും.
ഹരിതമുറ്റം പദ്ധതി മികച്ച രീതിയില് നടപ്പിലാക്കിയ മൂന്നു യൂനിറ്റുകള്ക്ക് സംസ്ഥാനതലത്തില് അവാര്ഡ് നല്കും.
0 التعليقات: