ബദിയടുക്ക: യുവാവിന് വെട്ടേറ്റ് ഗുരുതരമായി പരിക്കേറ്റു. നീര്ച്ചാല് കടമ്പളയിലെ അബ്ദുല് കരീം (35) ആണ് ആക്രമണത്തിന് ഇരയായത്. സംഭവത്തില് അയല്വാസി രാമകൃഷ്ണ ഷെട്ടിയെ പൊലീസ് കസ്റ്റഡിയിലെടുത്തു.
വെള്ളിയാഴ്ച വൈകീട്ടോടെയാണ് സംഭവം നടന്നത്. കുട്ടികള് കളിക്കുന്നതിനിടയില് അയല്വാസിയുടെ വീട്ടുപരിസരത്ത് വീണ പന്ത് വീട്ടുടമ തിരിച്ചു കൊടുക്കാത്തതിന് തുടര്ന്ന് അന്വേഷിക്കാന് ചെന്ന അബ്ദുല് കരീമിനെ അയല്വാസി വാള് കൊണ്ട് വെട്ടുകയായിരുന്നുവെന്നാണ് പരാതി.
കൈപ്പത്തി വെട്ടേറ്റ് തൂങ്ങിയ നിലയിലായിരുന്നു. ഇ കെ നായനാര് സഹകരണ ആശുപത്രിയില് ചികിത്സയിലാണ് അബ്ദുല് കരീം.
0 التعليقات: