കൊച്ചി: ബന്ധുനിയമനത്തിലെ ലോകായുക്ത വിധി റദ്ദാക്കണമെന്ന മുന് മന്ത്രി കെ.ടി. ജലീലിെന്റ ഹരജി ഹൈകോടതി തള്ളി. ലോകായുക്ത ഉത്തരവില് അപകാതയില്ലെന്ന് വ്യക്തമാക്കിയ ഹൈകോടതി ഹരജി ഫയലില് സ്വീകരിക്കാതെയാണ് തള്ളിയത്.
മന്ത്രിപദത്തില് തുടരാനാവില്ലെന്ന നിര്ദേശം റദ്ദാക്കണമെന്നാവശ്യപ്പെട്ടായിരുന്നു ഹരജി.
ബന്ധുനിയമനത്തില് കെ.ടി. ജലീല് അഴിമതിയും സ്വജനപക്ഷപാതവും അധികാര ദുര്വിനിയോഗവും സത്യപ്രതിജ്ഞ ലംഘനവും നടത്തിയെന്നായിരുന്നു ലോകായുക്ത വിധിച്ചത്. മന്ത്രിയെന്ന നിലയില് കെ.ടി. ജലീലിന്റെ പ്രവൃത്തി ന്യായീകരിക്കാനാവില്ല. ജലീല് മന്ത്രിസ്ഥാനത്ത് തുടരാന് യോഗ്യനല്ലെന്നുമായിരുന്നു ലോകായുക്ത ജസ്റ്റിസ് സിറിയക് തോമസ്, ഉപലോകായുക്ത ജസ്റ്റിസ് ഹാറൂണ് അല് റഷീദ് എന്നിവര് ഉള്പ്പെട്ട ഡിവിഷന് ബെഞ്ച് വിധിച്ചത്.
0 التعليقات: