കാഞ്ഞങ്ങാട്-സിപിഐ എം പ്രവര്‍ത്തകന്റെ വീടിനുനേരെ ആര്‍എസ്എസ് അക്രമം. പുതിയകോട്ടയിലെ ടെമ്പോ ഡ്രൈവര്‍ മൂവാരിക്കുണ്ടിലെ പത്മനാഭന്റെ വീട്ടില്‍ ബുധനാഴ്ച പുലര്‍ച്ചെയാണ് സംഭവം. വീട്ടില്‍ സംഘടിച്ചെത്തിയ ഒരു സംഘമാളുകള്‍ മിനി ഗുഡ്‌സ് വാഹനത്തിന്റെ ഗ്ലാസും കണ്ണാടിയും വീട്ടിലെ കുടിവെള്ള പൈപ്പും തകര്‍ത്തു. വീട്ടു മുറ്റത്ത് നിര്‍ത്തിയതായിരുന്നു വാഹനം. ശബ്ദം കേട്ട് വീട്ടുകാര്‍ ഉണര്‍ന്നെങ്കിലും പത്മനാഭനെ വീട്ടുകാര്‍ പുറത്തിറങ്ങാന്‍ അനുവദിച്ചില്ല. വിഷുത്തലേന്നും സമാന അക്രമം ഉണ്ടായിരുന്നു. വീട്ടുകാര്‍ ബഹളം വച്ചതോടെ അക്രമികള്‍ ഓടി മറഞ്ഞു. കൊവ്വല്‍ സ്‌റ്റോറിലെ ആര്‍എസ്എസ് പ്രവര്‍ത്തകന്‍ വെള്ളച്ചി സുര എന്ന സുരേശന്റെ നേതൃത്വത്തിലായിരുന്നു അക്രമമെന്ന് പത്മനാഭന്‍ ഹൊസ്ദുര്‍ഗ് പൊലീസില്‍ നല്‍കിയ പരാതിയില്‍ പറഞ്ഞു.
0 التعليقات: