തിരുവനന്തപുരം: സ്പെഷല് അരി വിതരണം തടഞ്ഞ തെരഞ്ഞെടുപ്പ് കമ്മീഷന് നടപടിക്കെതിരേ സംസ്ഥാന സര്ക്കാര്. തെര. കമ്മീഷനെതിരേ നിയമനടപടി സ്വീകരിക്കുമെന്ന് ഭക്ഷ്യവകുപ്പ് അറിയിച്ചു.വെള്ള, നീല കാര്ഡുടമകള്ക്കുള്ള 15 കിലോ അരി വിതരണമാണ് തെര. കമ്മീഷന് വിലക്കിയിരുന്നത്. അതേസമയം, വിഷുക്കണി വിതരണം ഏപ്രില് ഒന്നിലേക്ക് മാറ്റിയതായും ഭക്ഷ്യവകുപ്പും അറിയിച്ചു. മാര്ച്ച് അവസാനം നല്കാനാണ് നേരത്തേ തീരുമാനിച്ചിരുന്നത്.മാര്ച്ച്, ഏപ്രില് മാസങ്ങളില് അരി വിതരണം ചെയ്യാന് തെരഞ്ഞെടുപ്പു വിജ്ഞാപനം വരുന്നതിനുമുമ്ബുതന്നെ സംസ്ഥാന സര്ക്കാര് തീരുമാനിക്കുകയും ഉത്തരവിറക്കുകയും ചെയ്തിരുന്നു. സര്ക്കാരിന്റെ അരി വിതരണത്തിനെതിരെ പ്രതിപക്ഷ നേതാവ് രമേശ് ചെന്നിത്തല നല്കിയ പരാതിയില് നേരത്തെ തെരഞ്ഞെടുപ്പ് കമ്മീഷന് വിശദീകരണം തേടിയിരുന്നു. എന്നിരുന്നാലും തെരഞ്ഞെടുപ്പിന് മുമ്ബ് തന്നെ അരി വിതരണം നടത്തുമെന്ന ഉറച്ച നിലപാടിലാണ് സര്ക്കാര്.
0 التعليقات: