ന്യൂഡല്ഹി: കൊവിഡ് വ്യാപനത്തെ തുടര്ന്ന് സി ബി എസ് ഇ പത്താംക്ലാസ് പരീക്ഷ റദ്ദാക്കി. പന്ത്രണ്ടാം ക്ലാസ് പരീക്ഷ മാറ്റിവയ്ക്കാനും തീരുമാനിച്ചു. കൊവിഡ് രണ്ടാം തരംഗം രൂക്ഷമായി തുടരുന്ന സാഹചര്യത്തില് പ്രധാനമന്ത്രി നരേന്ദ്രമോദി ഇന്ന് വിളിച്ചുചേര്ത്ത ഉന്നതതല യോഗത്തിലാണ് തീരുമാനം. കേന്ദ്ര വിദ്യാഭ്യാസ മന്ത്രി, വിദ്യാഭ്യാസ സെക്രട്ടറി, സി ബി എസ് ഇ ഉദ്യോഗസ്ഥര് എന്നിവരുമായാണ് പ്രധാനമന്ത്രി ചര്ച്ച നടത്തിയത്. അടുത്ത മാസം മൂന്നിനാണ് സി ബി എസ് ഇ പത്ത്, പന്ത്രണ്ട് ക്ലാസ് പരീക്ഷകള് നിശ്ചയിച്ചിരുന്നത്.
കൊവിഡ് വ്യാപനം രൂക്ഷമായതിനാല് പരീക്ഷ മാറ്റണമെന്ന് ഡല്ഹി അടക്കമുളള സംസ്ഥാനങ്ങള് ആവശ്യപ്പെട്ടിരുന്നു. പരീക്ഷകള് റദ്ദാക്കില്ലെന്നും, തീയതി മാറ്റിയേക്കുമെന്നാണ് കേന്ദ്രസര്ക്കാര് വൃത്തങ്ങള് നല്കുന്ന സൂചന.
0 التعليقات: