ജക്കാര്ത്ത: കഴിഞ്ഞ രണ്ട് ദിവസമായി ശക്തമായ മ?ഴയെ തുടര്ന്ന് ഇന്തോനേഷ്യയില് മിന്നല് പ്രളയത്തിലും മണ്ണിടിച്ചിലിലും നൂറിലേറെ പേര് മരിച്ചു. നാല്പ്പതിലധികം പേരെ കാണാതായി. മേഖലകളില് സൈന്യത്തിന്റെ രക്ഷാപ്രവര്ത്തനം തുടരുകയാണ്. തിങ്കളാഴ്ച രാത്രി ലാമന്ലെ ഗ്രാമത്തില് കുന്നിടിഞ്ഞ് നിരവധി വീടുകള് മണ്ണിനടിയിലായി. രക്ഷാപ്രവര്ത്തകര് ഇവിടെ നിന്ന് മാത്രം 40 ഓളം മൃതദേഹങ്ങള് കണ്ടെത്തിയതായി ദുരന്ത നിവാരണ സേന വകുപ്പ് പറഞ്ഞു. പല ദ്വീപുകളിലും വ്യാപകമായ പ്രളയക്കെടുതികള് ഉണ്ടായതായി വാര്ത്താ ഏജന്സികള് റിപ്പോര്ട്ട് ചെയ്തു. പ്രളയക്കെടുതിയില് കിഴക്കന് പ്രദേശങ്ങളിലടക്കം ആയിരത്തിലധികം കെട്ടിടങ്ങള് വെള്ളത്തിലായി. റോഡുകള് തകര്ന്നതും വൈദ്യുതി ബന്ധം മുറിഞ്ഞതും രക്ഷപ്രവര്ത്തനത്തെ തടസമാകുന്നുണ്ട്.
0 التعليقات: